千里傳音　C朗破紀錄後美斯即入波

唔止足球睇波，仲有24小時滾動賠率，即時體驗：https://bit.ly/2UmNL0L　

人說強者之間有心靈感應，兩大球王C朗拿度同美斯日前再度隔空鬥法，C朗喺意甲為祖雲達斯梅開二度，剛追平美斯入球紀錄，美斯喺40分鐘後喺西甲入波反超前，莫非兩人有千里傳音？

C朗上仗意大利盃發燒鼻竇炎缺陣，抖咗幾日回復狀態，今場意甲對帕爾馬交足功課，半場入波領先，下半場對手追和後，C朗立即踩油入多粒，結果贏2比1完場。C朗入波後，追平咗美斯保持嘅歐洲5大聯賽432球入波紀錄(英超84球、西甲311球、意甲37球)。

美斯紀錄畀C朗追平，似乎係強者感應，稍後舉行嘅巴塞隆拿對CF格蘭納達，半場0比0，美斯喺下半場發圍，先令對方1位球員領紅牌出場，再喺76分鐘一箭定江山贏1比0，呢個係佢歐洲5大聯賽第433球，仍以1球壓住宿敵C朗。