千呼萬喚....摩連奴終於都要爆喇！

摩連奴執掌熱刺兩個月就傳出負面消息，英媒踢爆話摩帥同丹尼路斯多次爭吵，令到更衣室氣氛相當緊張；王牌哈利卡尼目前仍然養傷，鋒力已經削弱，如果再搞埋內訌，家陣排英超榜第8的熱刺，分分鐘繼續下沉。

據《每日郵報》透露摩連奴同丹尼路斯已經因為出場比賽的問題吵了幾次，第一次就在上周五熱刺公布周末比賽名將，路斯落選，他即搵摩連奴理論，聲稱自己沒有受傷可以出場，不過摩帥就話路斯有背傷兼且身體走樣，這一次的爭拗已經是不歡而散。結果熱刺對屈福特0比0。

跟住周日的訓練，丹尼路斯再堅持自己可以比賽，今次二人鬧得更加激烈，而且吵得相當大聲，球隊氣氛緊張，有部份球員理解路斯的憤怒，據悉球隊對今次摩連奴與丹尼路斯的衝突很不滿，多位球員更不想看到事情擴大；而摩連奴想平息危機，會再搵路斯面對面再傾，以免影響球隊。