寸爆摩佬　利物浦雜誌解構熱刺神陣式

英超「一哥」利物浦贏到開巷，冠軍都似係佢哋囊中物，成皇敗寇，家陣真係你講乜都得啦！佢哋早排作客以1比0打敗熱刺，賽後唔止領隊高普喺記招寸過熱刺領隊摩連奴泊大巴，估唔到就連「紅軍」嘅官方雜誌都玩晒嘢，喺重溫當日對熱刺一刺，竟然形容對方陣式係「4-6-0」，即係話人哋放棄前線唔擺前鋒，明寸「摩佬」個大巴陣。

查實利物浦當日嘅控球比率已經去到67%，形勢堅係一面倒，但話熱刺係擺咗個無鋒陣，又真係講唔通。話說著名足球數據媒體《whoscored》喺嗰場波嘅分析，係話熱刺擺咗個「4-4-2」陣，迪利阿里同盧卡斯莫拉係被推上前線，唔係完全死守。不過，之後有網友將本雜誌影相擺上網，仲寸到寫住：「熱刺戰術更似「6-4-0」喎，根本都係徹底羞辱「摩佬」啦！