因為福仔 曼聯有望買到「波費」喇!

20200122
東網電視
更多新聞短片
(Getty Images)
有突破喇!英超曼聯斟介葡超士砵亭中場波基斯費南迪斯一事,因為大家目標價位差太遠,交易一度接近放棄。不過,自從證實「紅魔鬼」射手拉舒福特因傷要長休三個月之後,曼聯管理層明白增兵已經刻不容緩,家陣最新消息,曼聯已經決定加碼去到5,500萬鎊,距離士砵亭要求嘅大約6,000萬鎊相差唔遠,轉會最快可能今個禮拜搞掂!
雖然「波費」唔係前鋒,但呢位進攻中場入球同助攻力出色,如果真係加盟,都肯定會幫到曼聯。據知,「紅魔鬼」原本睇死士砵亭財政麻麻等錢使,打算企硬開價4,000萬鎊,不過依家喺「福仔」長休之下,唯有加碼去4,678萬鎊,再加上浮動獎金,總轉會費將去到大約5,500萬鎊。呢個價位,英媒認為有機會說服到士砵亭放人,各位「魔迷」等收好消息啦!