瑞典鐵衞病倒　曼聯防線變陣

唔止足球睇波，仲有24小時滾動賠率，即時體驗：https://bit.ly/2UmNL0L　

英超周中開快車，對球員身心帶來考驗，剛於雙紅會輸波嘅曼聯周二(21日)練波，但瑞典後衞域陀連迪路夫到咗訓練基地15分鐘，就駕車離開，消息指佢因為生病未能參與操練，曼聯明晚對般尼，大有可能要變陣。

曼聯已經有拉舒福特同保羅普巴受傷，前鋒線同中場弱咗好多，一直靠條後防線撐住，連迪路夫更係全球最高身價後衞哈利馬古尼嘅好拍檔。《曼徹斯特晚報》報道，連迪路夫喺訓練基地現身15分鐘就離開，會方亦唔希望生病球員留喺訓練場。

依家睇嚟連迪路夫好大機會錯過明晚聯賽對般尼之戰，曼聯後防人腳亦會再執過，頂替連迪路夫嘅人選，就可能會係勞基梳爾同艾歷拜利。