公開反駁加利仔　蘇斯克查叫老友收聲

唔止足球睇波，仲有24小時滾動賠率，即時體驗：https://bit.ly/2UmNL0L　

雙紅會輸波後，曼聯上下同球迷自然好唔開心，名嘴加利尼維爾炮轟曼聯高層伍德沃德辦事不力，組軍咁多年都買唔到頂級陣容，叫佢引咎辭職，同佢由細玩到大嘅蘇斯克查就公開反駁，叫加利仔唔好講咁多。

伍德沃德係頂頭上司，蘇斯克查聽到加利仔言語上攻擊，佢無辦法唔護主，佢話：「我哋輸畀利物浦，一支咁強勁嘅球隊，頂到最後時刻再落敗，已經好難得，我對敗仗當然失望，亦唔想落後於對方，但我認為球隊正處於正軌。」

蘇斯克查續稱：「依家唔係談增兵嘅時候，應該集中準備明晚對般尼，我一直尋找方法改善球隊，依家唔係時候討論加利嘅話題。」