英格蘭前鋒恐怖詛咒　今次到阿巴謙...

英格蘭國家隊前鋒近期一個一個受傷，繼熱刺前鋒哈利卡尼大腿受傷好可能提早收咧後，曼聯前鋒拉舒福特亦因嚴重背傷要抖3個月，英格蘭領隊修夫基擔心緊冇前鋒用之際，周三(22號)英超又輪到車路士前鋒譚美阿巴謙打柴！

譚美阿巴謙今場比賽尾段，不慎撞向場邊廣告板導致足踝受傷，雖然佢最後都頂晒全場，但完場後被見到行路一拐一拐。林柏特賽後透露：「阿巴謙足踝要用冰敷，我暫時仲未同佢溝通，所以唔清楚實際情況，我希望佢唔使養傷幾個星期，但如果真係要抖，我哋都有人手去應付。」