等曼聯等到躁！費南迪斯怒推攝影師

盛傳將會轉投曼聯嘅波基斯費南迪斯，雖然已經向士砵亭表達離隊意願，不過呢支葡超勁旅同曼聯遲遲未能為轉會費達成共識。繼上場聯賽對賓菲加被視為「告別戰」後，周三(22號)葡聯盃4強費南迪斯再次為士砵亭披甲，可惜以1比2輸波出局。

唔知係咪受到輸波兼且轉會遲遲未落實影響，波基斯費南迪斯今場踢得相當躁底，完場前已經同布拉加後備席嘅人發生爭執，更要同場邊警察理論，完場後費南迪斯更無視作客嘅士砵亭球迷直返更衣室，期間更一手將攝影師嘅鏡頭推開，非常無禮。