孫興民奠勝　熱刺終於贏波

唔止足球睇波，仲有24小時滾動賠率，即時體驗：https://bit.ly/2UmNL0L　

去年拆禮物日贏白禮頓，之後4場聯賽未贏過嘅熱刺，周四(23日)凌晨英超快車主場對包尾嘅諾域治，終於憑迪利阿里及孫興民各建一功，以2比1取得近5輪聯賽首勝，法國門將洛里斯傷愈復出，但又有哈利雲克斯受傷，球隊要走出低潮仲要努力。

熱刺今仗優勢唔明顯，同諾域治只係55波，不過開紀錄入球甚有質素，38分鐘，熱刺於右路組織攻勢，孫興民送直線，奧里亞右路底線傳中，迪利阿里靚入楔門前一篤破網，熱刺領先1比0完半場。

諾域治絕非捱打，下半場攻勢不斷，70分鐘麥斯艾朗斯帶波入禁區博得12碼，迪姆普基主射破網追成1比1。

79分鐘熱刺攻勢，盧施素右路送直線，迪利阿里窄位起腳被封檔，皮球彈高直飛遠柱，孫興民及時趕到頭槌一頂入網，為熱刺頂成2比1全取3分，以24戰得34分暫居第6位。