出鏡10秒即絕殺！利物浦長勝因有佢
20200124
東網電視
更多新聞短片
(Getty Images)
利物浦喺周五(24日)凌晨英超作客以2:1擊敗狼隊，表面上係羅拔圖法明奴射入致勝1球，但網民留意到呢位巴西國腳入波前，後備前鋒奧歷治正準備入替，佢出鏡後僅10秒，紅軍就入第2球，令人驚嘆奧歷治再次發揮吉祥物威力。
網民之所以咁熱烈討論呢一幕，皆因奧歷治曾經多次於關鍵時機「幸運」成為贏波功臣，包括上季對愛華頓，把握對手門將比克福特補時6分鐘犯大錯，射入全場唯一入球。今季對李斯特城，馬克艾拜頓搶攔奧歷治，反而變致命回傳，又益咗利物浦。
對屈福特一役，奧歷治射門撻Q變助攻，造就穆罕默德沙拿入波，仲未計上屆歐聯4強次回合，佢入2球協助利物浦奇迹淘汰巴塞。估唔到佢今場未上陣，只要亮一亮相，已經幫利物浦贏波，唔到你唔服。
東網體育FB同你追實體壇每個精彩時刻！
Follow東網體育IG一齊撐本地運動員！