文尼拉傷肌肉 南野拓實上位好機會
20200124
東網電視
更多新聞短片
(Getty Images)
利物浦雖然擊敗勁旅狼隊，但亦付出沉重代價，進攻主力沙迪奧文尼踢咗30分鐘，就受傷退下火線，英國傳媒指呢位塞內加爾國腳可能拉傷肌肉，但要等詳細檢查之後，先至知嚴唔嚴重。
當時沙迪奧文尼回防跑跑下，突然放慢腳步，仲坐喺地下，接受軍醫治理，但都係需要換離場。幸好佢仲可以自己行，照計情況應該唔會太嚴重，沙迪奧文尼今季為利物浦喺各項賽事上陣30場入15球，如果佢缺陣，肯定削弱紅軍攻力。
不過，利物浦未來賽事並唔難踢，包括英足盃對梳士貝利、英超對韋斯咸、修咸頓、諾域治，直至2月19日歐聯16首回合作客馬德里體育會，先至算喺「硬嘢」。
因此，利物浦領隊高普可以趁機畀沙迪奧文尼休息，並起用新簽嘅日本國腳南野拓實。事實上，沙迪奧文尼今場受傷之後，亦係由南野拓實入替佢，首次於英超上陣，依家正係佢證明實力嘅好時機。
東網體育FB同你追實體壇每個精彩時刻！
Follow東網體育IG一齊撐本地運動員！