衝冠時刻　文尼受傷再抖3場

唔止足球睇波，仲有24小時滾動賠率，即時體驗：https://bit.ly/2UmNL0L　

有報道指利物浦最快可於4月4日捧盃，不過受傷係比賽一部份，球隊必須克服呢個問題。上周英超快車受傷嘅沙迪奧文尼，證實肌肉撕裂，不過傷勢唔算嚴重，高普表示文尼要再休息3場。

文尼於上周英超快車對狼隊傷出，之後英足盃對梳士貝利並無上陣，而嚟緊紅軍聯賽對韋斯咸及修咸頓，以及2月初英足盃對梳士貝利嘅重賽，佢都無法上陣，預計養傷期要過埋歇冬後再睇情況，會方期望佢會喺歐聯16強作客馬體會復出。

事實上文尼近季愈打愈好，表現壓過穆罕默德沙拿，喺早前金球獎排第4，今季為利物浦上陣31場入15球，平均每2場就入1球。