12碼神劇情　寸王笑看風雲

唔止足球睇波，仲有24小時滾動賠率，即時體驗：https://bit.ly/2UmNL0L　

熱刺主場贏曼城2比0，過程曲折，淨係上半場已經發生好多事，其中36分鐘曼城博得12碼一幕，VAR背後操作都夠晒詭異，球迷睇到好緊張，不過電視拍到「寸王」摩連奴鏡頭，佢竟然翹起二郎腿笑住睇，相當淡定。

36分鐘先見到奧里亞踢跌阿古路，球證未有判罰，比賽進行接近3分鐘後，球證聽取VAR建議又判12碼，此時見到摩連奴翹起二郎腿，手托下巴，面露微笑，球隊輸波佢仲咁淡定，高。

根度簡主射竟然宴客，洛里斯撲出不遠，史達寧衝前搶波，又被洛里斯掃跌，呢個犯規觸發雙方球員圍攏，場面火爆，最終VAR判定不構成12碼，只係判參與衝突嘅辛真高黃牌。