阿仙奴新人王被挖　曼聯紅軍齊打劫

足球博彩神器，每日重心提供盡在《彩報》：http://win.on.cc/football/　

阿仙奴今季成績令人失望，不過幾位小將就成功上位，巴西小將加比爾馬天尼利同英格蘭新星布卡約沙卡都成為搶手貨。據英國傳媒報道，現年18歲嘅布卡約沙卡同阿仙奴只係得18個月合約，曼聯、利物浦同拜仁慕尼黑都虎視眈眈，準備出手搶呢位明日之星。

由於布卡約沙卡依家只係學徒球員合約，所以周薪只係得3,000鎊，阿仙奴為阻止列強挖角，據報亦都即刻展開續約談判，同布卡約沙卡在內嘅幾位新星傾新約。

布卡約沙卡司職左翼，不口過喺阿仙奴今季「左閘荒」情況下，佢客串左閘亦有出色表現，領隊阿迪達仲話唔排除佢將來可以喺左閘位置發展。