迫死自己　哥迪奧拿：贏唔到皇馬就會被炒魷

數據最真實，刨波不二法門，彩報電子版周二、五更新：https://win.on.cc/epaper/archive.html　

英超幾近衞冕失敗，哥迪奧拿今季最大目標，就係幫曼城奪取歐聯錦標。今屆歐聯16強曼城抽到下籤，抽到對皇家馬德里，佢最近接受《天空體育》訪問時話，如果今次贏唔到皇馬，佢就會被炒魷。

哥迪奧拿表示：「我哋正為應付皇馬而準備，我感到興奮，呢個過程係我執教生涯最快樂嘅事，但如果未能淘汰皇馬，球會主席或體育總監可能會同我講『咁仲未夠，我哋想捧歐聯，所以炒咗你』。」

近日關於哥迪奧拿來季傳聞有好多，大家都估佢會離開曼城甚至英超，先後傳過佢去法甲執教巴黎聖日耳門，或去意甲接掌祖雲達斯。