愛將被揭攬女喪蒲　羅渣士維護：傳媒抹黑佢

數據最真實，刨波不二法門，彩報電子版周二、五更新：https://win.on.cc/epaper/archive.html　

英超今季有歇冬期，畀球員抖吓氣，李斯特城中場占士麥迪臣被揭發去咗杜拜同嫩模飲酒尋歡，對於呢啲負面報道，領隊羅渣士一笑置之，佢認為麥迪臣有分寸，呢啲報道只係傳媒抹黑。

對於主力球員出去玩，羅渣士咁樣講：「啲人要編故仔就由得佢，我唔太擔心呢方面嘅問題，我好清楚麥迪臣嘅為人，亦知道佢對球隊嘅付出。」

佢仲話：「麥迪臣係23歲單身男人，佢有1星期嘅人生自由，其實我哋都透過不同方式教育球員，麥迪臣好有魅力，亦有禮貌，佢好尊重喺李斯特城擁有嘅一切。」