曼聯學利物浦搵德國人教　斟高普2.0

足球博彩神器，每日重心提供盡在《彩報》：http://win.on.cc/football/　

盛傳曼聯將於今夏換帥，新帥人選除咗大熱普捷天奴之外，英國《每日郵報》指曼聯仲睇中另一位人選，就係巴黎聖日耳門(PSG)教練杜曹，呢位46歲德國藉名帥被指同PSG球星基利安麥巴比不和，好可能今夏離隊，夾啱時間可以成「魔」。

杜曹之前曾經執教緬恩斯、多蒙特，其中2015年接替高普，成為多蒙特教練，令佢人氣急升，晉身名帥行列，因而有高普2.0之稱。杜曹教多蒙特2季，僅捧過1次德國盃冠軍，黯然離開。佢上季成為PSG主帥，雖然奪得法甲冠軍，但卻痛失法足盃同法聯盃，更於歐聯16強被蘇斯克查領軍嘅曼聯絕地反勝，紅魔鬼搵佢接替蘇B，會唔會仲衰呢?

不過，杜曹仍然係搶手貨，拜仁慕尼黑都有意搵佢領軍，曼聯未必可以得手。