保方永遠都存在 同馬甸尼囝囝交換波衫

2020年02月14日 11:30
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
周五(14日)凌晨意大利盃4強首回合,AC米蘭同祖雲達斯打和1:1,賽後發生有趣一幕,今場為祖記正選把關嘅42歲鋼門保方同AC米蘭名宿馬甸尼嘅囝囝丹尼爾馬甸尼交換球衣,更加豪言等緊將來同馬甸尼嘅孫交換波衫,似乎仲未有打算退休。
18歲嘅丹尼爾馬甸尼係馬甸尼嘅二仔,月初對維羅納先至首次於意甲上陣,今場波佢全場做後備。不過,保方非常照顧呢位星二代,賽後仲同佢交換波衫。保方可能想證明自己青春不老,對於收集星二代球員波衫特別有興趣,佢話:「喺我收藏之中,有基艾沙、韋亞、杜林、馬甸尼嘅囝囝件球衣,依家我等緊佢哋個孫件波衫。」保方2001年7月由帕爾馬轉投祖雲達斯,當時丹尼爾馬甸尼都仲未出世。保方今場更加作出10次撲救,被指係今場祖雲達斯最佳球員,風頭更勝C朗,真係寶刀未老。
早前有消息指保方將於3月同祖雲達斯傾續約問題,話唔定將來真係有機會同「星三代」交換球衣。