熱刺又有大將拒絕續約！呢個啱曼聯用

足球博彩神器，每日重心提供盡在《彩報》：http://win.on.cc/football/　

繼基斯甸艾歷臣拒絕續約，而被熱刺賣走之後，另一位熱刺球員艾歷迪亞亦唔願意續約，會方為免拖到合約最後半年，先至焗住平價出售佢，準備今夏就提早出售呢位26歲英格蘭國腳。

艾歷迪亞同熱刺嘅合約將於明年夏天屆滿，由於佢不滿由摩連奴執教之後，上陣時間大減，所以打算離隊。熱刺今次學精咗，為避免重演平賣艾歷臣一事，如果雙方再傾唔掂數，就會今夏就出售艾歷迪亞。

艾歷迪亞可以勝任中堅、右閘同防守中場，踢法非常全面，啱晒急需要簽入中堅同防守中場嘅曼聯，如果佢成「魔」，肯定大把上陣時間。