廢噏出事!沙利得罪意大利郵政部

2020年02月15日 02:14
東網電視
更多新聞短片
數據最真實,刨波不二法門,彩報電子版周二、五更新:https://win.on.cc/epaper/archive.html 
祖雲達斯今季由沙利執教,表現唔算太過突出,面對國際米蘭、拉素等強力挑戰,沙利早前被問到係咪感到好大壓力,佢就懶幽默咁回應:「如果我唔想有壓力,我不如去郵政局做啦!」
呢番言論一出就引起好大回響,意大利郵政部門無端端被「抽水」當然最大反應,意大利郵政部隨即發聲明反駁:「對沙利先生所講嘅相反,郵政部都面對好多壓力,我哋要為市民、商業機構同公共管理事務負責。我哋誠邀沙利嚟參觀呢個全國最大機構,佢可以去我哋15,000間分局入面任何一間,去了解呢份最受年輕畢業生歡迎嘅工作。」
就連前意大利總理倫齊亦加入戰團:「沙利係典型嘅過時思想,意大利郵政係全國最具創造力企業之一,而且不斷進行革新,係市場領導者。我覺得沙利係侮辱緊意大利郵政,意大利郵政工作非常重要,而沙利只係一個笑話。」