【東體爭議】曼城爆煲後 下一隊到PSG

20200215
東網電視
更多新聞短片
(Getty Images)
足球博彩神器,每日重心提供盡在《彩報》:http://win.on.cc/football/ 
歐洲足協終於落重藥打擊違反「財政公平條例」大球會,判罰曼城禁參加未來2季歐洲賽事,相信今次只係第一波,預料法甲豪門巴黎聖日耳門(PSG)將會成為下一隊被開刀目標。
盛傳PSG「造數」程度不亞於曼城,淨係睇佢哋近年先後以2.22億歐元收購尼馬,以及用1.8億歐元收購基利安麥巴比,就知支出超晒標。同埋法甲商業價值,電視直播費遠不及英超,赤字肯定嚴重過曼城。
近日英國足球產業研究機構Soccerex指出,PSG「財務指數」排全球第一,計算內容包括球員合約、有形資產、銀行現金、潛在投資、淨債務。
PSG球員粒粒皆星,身價、人工都屬於天價,成為「財務指數」上升至第1位嘅主因,第2位正好係曼城。可見呢個「財務指數」似係反映球會財政過度澎漲,並非真正財力。
事實上,2018年11月「足球洩密」已爆料,指曼城及PSG都造假數,仲獲得前歐洲足協會長柏天尼,以及現任國際足協會長恩法天奴「協助」,避過「公平財政條例」處罰,得以繼續參加歐聯,保持賽事賣座力。如今歐洲足協既然願意犧牲票房,處罰曼城,冇理由放過PSG,否則會被指唔公平。