恩哈路為她而戰!背後故事感人

20200215
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
曼聯將於下周二(18日)凌晨英超作客車路士,紅魔鬼新簽射手恩哈路可望首次披甲,呢位30歲尼日利亞國腳將會着上印有「MARY ATOLE」波砵上陣,呢個女性名字,並非佢老婆、女友或媽媽,而係佢家姐。
恩哈路重返英超加盟曼聯,本應係值得高興嘅事,但卻無法同家姐分享,因為Mary係上年12月不幸過身,終年只係43歲。
恩哈路至今仍然感到非常傷痛:「當收到呢個消息時,我喊到崩潰,到依家仍然覺得好失落,每次想起家姐,都會有一種孤獨感,佢以往就好似媽媽咁,照顧住我哋每一位家人。」
恩哈路仲話,Mary自細就係忠實曼聯球迷,以前會一齊睇曼聯比賽,即使後來老公係車路士球迷,而仔女係曼城同利物浦球迷,但都仍然支持紅魔鬼。
恩哈路現時已經成為曼聯球員,但家姐卻離世,實在好可惜,但佢相信家姐仍然會喺上天睇佢比賽,一定要落力踢好波。