國米賣馬天尼斯 即簽奧巴美揚

2020年02月15日 16:01
東網電視
更多新聞短片
(Getty Images)
數據最真實,刨波不二法門,彩報電子版周二、五更新:https://win.on.cc/epaper/archive.html 
國際米蘭前鋒拿達路馬天尼斯今季表現神勇,成為巴塞隆拿及皇馬爭奪目標,可能用1.11億歐元買斷呢位阿根廷國腳嘅合約。
英國《太陽報》指國米如果留唔住拿達路馬天尼斯離隊,就會出手收購阿仙奴射手奧巴美揚填補鋒線位置。
眾所周知,國米教練干地鍾情英超兵,特別係簽入曼聯前鋒盧卡古,效果非常好,更何況奧巴美揚係上季英超神射手之一,干地自然對佢更加有興趣。
奧巴美揚今季英超已入14球,但兵工廠成績欠佳,令佢意興闌珊,近期已經多次傳出呢位30歲加蓬國腳想離隊。奧巴美揚嘅合約將於明年夏天屆滿,至今仍未打算續約,阿仙奴為咗避免佢好似艾朗藍斯咁自由身走人,可能今夏就出售佢。
奧巴美揚對於意甲並唔陌生,佢屬於AC米蘭青訓產品,曾於2008至11年效力A米,但大部分時間被外借,佢重返意甲,加盟國際米蘭,可以摑A米一巴。