菁英盃 冠忠南區贏「綠戰士」即入決賽

2020年02月15日 20:28
東網電視
更多新聞短片
「菁英盃」B組:和富大埔 vs 冠忠南區
毋須登入,立即睇直播:
由香港足總呈獻的「菁英盃」B組分組賽,周日(16日)下午續於將軍澳賽馬會香港足球總會足球訓練中心(FTC)閉門進行,由冠忠南區出戰和富大埔合演「地區打吡」。目前6戰獲14分的南區,是役贏波即可提早一輪進身決賽,肯定出盡全力撲擊「攔路虎」大埔,想見證這場激戰,當然要黐實on.cc東網直播!(on.cc東網周日下午1時直播)
和富大埔上仗「菁英盃」對愉園一度落後1比4,去到完場前10分鐘連入3球追至4比4完場,非但走出4連敗頹勢,更令「快活谷」出線希望幻滅,該仗首次踢足全場的方俊業表示,仍需要時間適應右閘的新位置︰「自己之前主要踢翼鋒,所以上場都比較多失誤,同埋要喺體能上都要再加強啲,表現可以話算係唔太好,因為冇乜突出。教練有叫我放膽啲踢,叫我做番平時做到嘅嘢出嚟,防守上多啲提點我唔好出腳,同埋『阿車』(車潤秋)、『Dudu』(杜度)都一直提住我幾時上同落番嚟,所以隊友同教練都幫咗我好多。」
方俊業還指出,現時比賽移師FTC閉門進行,感覺壓力減輕不少,所以希望在餘下賽事盡量表現自己,即使改打右閘仍想取得入球。
於B組居首的冠忠南區,今仗只要全取3分即可直接躋身決賽,其中在今屆「菁英盃」4次把關皆保不敗的蔡子濤,更憑長達326分鐘的不失球紀錄被隊友戲稱為「磁石濤」。不過,這位年輕門將雖謙稱自己純屬「好運」︰「我覺得守龍呢個位置都好講運氣,但自己都係每日keep住練波,要有隨時都準備好嘅心態。今年踢到第3年,喺技術上都會好咗,都間接造就咗呢個紀錄!」
蔡子濤還表示,為免夜長夢多,今場南區非勝不可︰「今場如果贏咗就入決賽,所以最緊要幫到球隊贏波,自己踢咁耐波淨係踢過一次決賽,仲要係讀中學嗰陣,所以好想體驗吓以職業球員身分踢決賽係乜嘢一回事,若果幫南區攞到第一隻盃就更好啦!」
毋須登入,立即睇直播: