文尼認入波推人　利物浦真係大晒！

足球博彩神器，每日重心提供盡在《彩報》：http://win.on.cc/football/　

利物浦本季表現一流，擊敗諾域治後英超25勝1和，領先曼城25分但多賽1場。紅軍整體表現的確極佳，但若非VAR不時眷顧，相信紅軍絕不能有此佳績。紅軍今輪僅憑沙迪奧文尼一箭定江山擊敗金絲雀，呢個入球充滿爭議性，事關文尼入波前明顯推人在先，而於賽後文尼亦承認有推人，但卻認為入波應該算數。

78分鐘佐敦軒達臣大腳斬前，文尼先推開基斯杜夫森馬文，之後先有機會控波起腳射入，但VAR球證卻當睇唔到，當然連諾域治同中立球迷不滿，賽後紛紛話英足總周時偏幫紅軍。

賽後文尼接受訪問時直認有推人動作：「我唔覺得呢個係犯規動作，喺足球賽事入面，小小嘅一推係好正常。」雖然被受批評，但利物浦3分已攞，文尼更勇達入球數字新里程碑。文尼總共踢過2間英格蘭球會，連埋今場入球，佢於所有賽事入面已夾夾埋埋攻入100球（利物浦75球、修咸頓25球），認真犀利。