自殺式轉會!C朗師弟加盟武漢卓爾

20200222
東網電視
更多新聞短片
數據最真實,刨波不二法門,彩報電子版周二、五更新:https://win.on.cc/epaper/archive.html 
當恩哈路等中超外援爭相逃離中國,免受新冠肺炎感染時,西維爾中堅丹尼爾卡列高明知山有虎,偏向虎山行,竟然決定加盟以「重災區」武漢為基地嘅中超球會武漢卓爾,難怪網民認為佢今次係「自殺式」轉會。
31歲嘅丹尼爾卡列高出身於葡超球隊士砵亭,係C朗師弟,但佢只曾為葡萄牙國家隊上陣1次,球員生涯發展平平,踢過奧漢倫斯、雷丁等球會。
佢2013年加盟西維爾,除咗頭2季比較多上陣機會之外,其他時間都係做大後備,加上將於今夏約滿,以佢嘅水平,恐怕難搵到大球會落班。
咁啱武漢卓爾上月搵來西班牙簡教練荷西干沙利斯執教,佢希望簽入西甲兵,結果睇中「就手」嘅丹尼爾卡列高。據悉,武漢卓爾向丹尼爾卡列高開出豐厚合約,加上佢面臨失業,惟有博一博。