唔係啩？阿祖安奴死咗！？

數據最真實，刨波不二法門，彩報電子版周二、五更新：https://win.on.cc/epaper/archive.html　

國際體壇又傳惡耗？已經退役嘅38歲巴西球星阿祖安奴，近日突然傳出死訊，令巴西國民震驚。不過好彩，呢位前國米球星稍後時間現身佢成長地里約熱內盧嘅貧民窟，同老友大飲特飲之餘，再喺社交網澄清自己死訊，球迷總算可以鬆番口氣！

呢位2014年退役嘅巴西重炮手喺社交網話:「係，係，我仲在生，我仲在生！親友們，我喺屋企呀！」究竟邊個咁大整蠱，暫時都冇人知，只係知道阿祖安奴嘅死訊曾經一度喺網上瘋傳。大佬，我哋上個月已經失去咗NBA傳奇球星高比拜仁，大家都接受唔到再多打擊，最緊要人冇事呀！