【特稿】曼城捧盃益咗阿仙奴？

數據最真實，刨波不二法門，彩報電子版周二、五更新：https://win.on.cc/epaper/archive.html　

曼城擊敗阿士東維拉拎到聯賽盃冠軍，對於來季歐洲賽資格亦有唔少影響。根據賽例，聯賽盃冠軍同時附有下屆歐霸盃第2圈外圍賽資格，由於曼城被禁參加歐洲賽(聯賽前4機會極高)，所以呢個歐霸盃資格將會讓出，但唔係讓畀亞軍阿士東維拉，而係轉畀聯賽最高排名嘅未得歐洲賽資格球隊。

同樣情況亦會應用喺足總盃身上，如果足總盃冠軍都係由已經拎到歐洲賽資格嘅球隊奪得，歐霸盃參賽資格亦會「轉贈」聯賽，好似上季曼城包辦2大盃賽冠軍，造就第6位曼聯同第7位狼隊進軍歐洲賽。

今季情況更加特別，由於曼城被禁踢歐洲賽，如果佢哋上訴失敗或者趕唔切推翻判決，英超嘅歐洲賽席位會進一步推延，即係話英超排第8嘅球隊都有機會踢歐洲賽！英超今季歐洲賽席位競爭激烈，阿仙奴都係排緊第10位，爭入前8有冇機呢？