世界級救空門！占士米拿「神圖」熱爆

數據最真實，刨波不二法門，彩報電子版周二、五更新：https://win.on.cc/epaper/archive.html　

利物浦喺英超2比1反勝般尼茅夫，穆罕默德沙拿同沙迪奧文尼建功當然威水，不過賽後最多人談論嘅，必定係占士米拿嘅世界級救空門！下半場般尼茅夫快攻，賴恩費沙單刀挑射已經笠過門將直飛空門，但占士米拿就堅神奇咁衝去白界線前將個波勾走，連姿勢分都拎足100分！呢個咁精彩嘅解圍畫面，立即被網民瘋傳，成個今周賽事嘅「神圖」！

34歲嘅占士米拿除咗呢一腳解圍夠經典外，今場亦交出100分數據，出任左閘嘅佢全場116次觸球，有100%爭頂成功率，而且有6次重奪球權、4次解圍同3次阻擋射門，可以話係超晒班！