希比解構　白羅斯聯賽照踢之謎！

數據最真實，刨波不二法門，彩報電子版周二、五更新：https://win.on.cc/epaper/archive.html　

全世界嘅足球賽事都因為新冠肺炎疫情而暫停，不過新一季白羅斯聯賽上星期照常開咧，而且仲有觀眾有場睇波，好似生存喺平行時空一樣！早前宣布掛靴嘅白羅斯傳奇希比，上季都仲喺白羅斯聯賽效力，佢就話：「歐洲足協將歐聯歐霸暫停係正確決定，不過喺白羅斯，好似冇人在乎(新冠肺炎)，實在難以置信。聯賽或者會喺1、2個星期後暫停，可能總統仲觀望事態發展，好多白羅斯人都相信事態冇新聞所講咁極端嚴重。」

雖然希比都認為唔應該低估疫情嚴重性，但係佢對白羅斯聯賽仍然舉行似乎都覺得光榮：「依家全世界都睇白羅斯聯賽，所有人都要睇我哋，當NHL(北美冰球聯賽)暫停，好多球員都走去俄羅斯比賽，或者美斯同C朗拿度都會考慮嚟白羅斯聯賽繼續踢波呢！」