阿特蘭大門將確診！歐聯係咁先？

數據最真實，刨波不二法門，彩報電子版周二、五更新：https://win.on.cc/epaper/archive.html　

意甲已有多位球員感染新冠肺炎，「神奇球隊」阿特蘭大亦出事，後備門將史樸迪路確診，成為隊中第一位中招嘅球員！

阿特蘭大所在嘅貝爾加莫，屬於意大利疫情最嚴重嘅地區，甚至需要出動軍隊幫手防疫。可惜阿特蘭大仍然失守，會方公布史樸迪路經測試之後，對病毒呈陽性反應，正在接受隔離治療。

阿特蘭大對上一場比賽係3月11日歐聯16強次回合作客以4:3擊敗華倫西亞，兩回合合計贏8:4，打入8強。其後傳媒爆料指華倫西亞至少有12名球員及教練確診，未知史樸迪路是否當時惹到病毒。

27歲嘅史樸迪路今季意甲只上陣3次，由於新冠肺炎傳染力強，一旦其他阿特蘭大球員都受感染，隨時影響球隊爭奪歐聯嘅美夢。