巴甲借場抗疫 馬拉簡拿變戰地醫院

20200325
東網電視
更多新聞短片
足球博彩神器,每日重心提供盡在《彩報》:http://win.on.cc/football/ 
新冠肺炎疫情令全球足球賽事停擺,唔少球隊都決家將設施捐出進行抗疫用途,超過一半巴甲球隊已答應將主場改造成「戰地醫院」,包括被視為足球聖殿嘅馬拉簡拿球場!
巴西嘅疫情愈嚟愈嚴重,兩大城市里約熱內盧同聖保羅都急需醫院抗疫,南美洲冠軍法林明高就宣布將馬拉簡拿球場嘅使用權轉畀衞生部門,球會會長蘭迪姆話:「喺呢個嚴峻時刻,我希望所有紅黑(法林明高)份子一齊為更好嘅未來而戰。」同樣,聖保羅嘅帕卡恩布體育場亦會轉為「戰地醫院」,並會安裝大約200張病床,減輕聖保羅醫院嘅壓力。
哥連泰斯宣布將球隊主場Itaquerao球場以及訓練基地借出,等巴西衛生部門決定點樣使用;山度士亦證實主場貝爾米羅球場嘅休息室,會改建為臨時診所。