8大球會圍攻！即禁曼城踢下屆歐聯

足球博彩神器，每日重心提供盡在《彩報》：http://win.on.cc/football/　

曼城因為違反公平財政條例，今年2月被歐洲足協判罰禁止參加未來2屆歐洲賽，由於「藍月亮」已向體育仲裁法庭提出上訴，加上受疫情影響，未必可於下屆歐洲賽展開前結案，曼城或可以「無罪」出戰下屆歐聯。

不過，曼城嘅如意算盤未必打得響，英國《每日郵報》爆料，指英超前10位球隊之中，除咗曼城及錫菲聯之外，其他8隊都要求體育仲裁法庭，禁止曼城喺上訴期間參加歐洲賽，以示公平。

據悉「8大聯軍」利物浦、李斯特城、車路士、曼聯、狼隊、熱刺、阿仙奴、般尼，已經準備委託律師草擬文件，並交去體育仲裁法庭，文件內容指曼城違反公平財政條例，處罰應該立即執行，而非緩刑。

曼城嘅英超前4位非常穩陣，如果佢哋真係被禁止喺上訴期間參加下屆歐聯，就會由英超第5位頂上，現時第5位曼聯同第8位熱刺只有4分距離，「老五」之爭非常激烈，各隊梗係希望踢走曼城，奪取歐聯入場券呢塊肥豬肉。