疫情拖累 曼聯勢向球迷回水5500萬

2020年03月26日 06:03
東網電視
更多新聞短片
曼聯要向球迷回水
數據最真實,刨波不二法門,彩報電子版周二、五更新:https://win.on.cc/epaper/archive.html 
新冠肺炎疫情唔知幾時先完,英超叫停後重開無期,不過無論賽季取消還是閉門作賽,曼聯都做好最壞打算,準備向持有季票嘅球迷回水,金額總數高達600萬鎊(約5500萬港元)。
英國疫情仍然嚴峻,圈內人士估計英超難於短期內重開,而且變數仲有好多,例如有建議在6月1日重開,但相信都無法安排球迷入場,只能以閉門作賽方式完成今個球季,持季票人士無法入場觀戰,因而觸發賠償問題。
曼聯季票總共售出5萬張,每場總收入為150萬鎊,英超尚餘9周賽事,曼聯主場還有4場未踢,對手計有錫菲聯、修咸頓、般尼茅夫及韋斯咸,4場主場總收為600萬鎊,如未能安排球迷入場,曼聯就要回水。
曼聯發言人表示:「鑑於新冠肺炎影響,會方正研究因賽事延期、取消或閉門作賽的管理程序,並審視下季季票的政策,此事正與曼聯球迷會協商。當比賽重開,球會的首要工作是維護球迷、球員、員工及整個社區的健康。」