球王比利一錘定音　C朗勁過美斯

數據最真實，刨波不二法門，彩報電子版周二、五更新：https://win.on.cc/epaper/archive.html　

球王比利日前在網上為廣大球王解答一條千古難題，就係C朗同美斯邊個勁啲，比利嘅選擇係C朗，不過佢補咗句，自己才是史上最佳。

呢位79歲球王表示：「當今世上最佳球員係C朗，我認為佢最好，因為佢穩定性較佳，不過大家都唔可以忽視美斯，問題係佢並非前鋒。」

講到世上其他球級人物，比利數咗幾個：「有好多，薛高、朗拿甸奴、朗拿度，歐洲有告魯夫同碧根鮑華，唔係我嘅錯，我覺得我勁過晒佢哋，比利只有一個，唔會再有好似我咁嘅人。」佢竟然冇提馬納當拿，唔知係咪專登。