值唔值先？巴塞用5人換佢1人

足球博彩神器，每日重心提供盡在《彩報》：http://win.on.cc/football/　

巴塞隆拿一直想收購國際米蘭前鋒拿達路馬天尼斯，但礙於呢位22歲阿根廷國腳毀約金達1.11億歐元，加上受疫情影響下，令巴塞更難以支付呢筆巨額資金，意大利《羅馬體育報》指巴塞提出用5位球員，向國米交換拿達路馬天尼斯。

巴塞呢份交易名單，包括中場維達爾、艾法美路、後衞尼爾遜施美度、基文迪朗格勒、圖迪保。雖然國米曾經有意簽維達爾，但由於1月已簽入基斯甸艾歷臣，未必再對呢位智利國腳有興趣，至於其餘4人質素一般，恐怕難以吸引國米主帥干地。

拿達路馬天尼斯今季意甲已有11球進帳，喺歐聯亦入咗5球，包括分組賽作客射破巴塞大門，巴塞會方認為佢係接替老將蘇亞雷斯嘅最佳人選。不過，巴塞今次提出嘅條件，似乎比較孤寒，如果唔加碼，都好難得手。