史達寧自爆想返利物浦!背後有隱情

2020年03月26日 19:20
東網電視
更多新聞短片
(Getty Images)
數據最真實,刨波不二法門,彩報電子版周二、五更新:https://win.on.cc/epaper/archive.html 
史達寧2015年離開母會利物浦,轉投曼城,成為紅軍球迷公敵。不過「二五寧」近日接受英國《鏡報》訪問時,話仍然希望重投利物浦。
史達寧話:「老實講,我仍然愛利物浦,希望大家唔好誤解我,利物浦一直在我心中,因為呢支球隊曾經喺我成長之路,為我付出好多,將來會唔會重返利物浦,真係冇人知。」言下之意,似乎對重新「染紅」留一條後路。
當年史達寧以4900萬鎊轉會費加盟曼城,根據德國《轉會市場》計算,呢位25歲英格蘭翼鋒現時身價達1.65億歐元,僅次於巴黎聖日耳門前鋒基利安麥巴比,曼城冇咁易放走史達寧。
至於史達寧依家向利物浦示好,暗示想回巢,有傳係因為曼城被罰禁止參加未來2屆歐洲賽,所以史達寧想「跳船」,轉投一支有得踢歐聯嘅勁旅,「二五寧」本色果然不變。