英超第3人　白禮頓證實有球員確診

足球博彩神器，每日重心提供盡在《彩報》：http://win.on.cc/football/　

繼阿仙奴領隊阿迪達同車路士翼鋒赫臣奧杜爾後，白禮頓亦證實旗下一名球員對新冠肺炎測試呈陽性，成為英超第3個確診嘅領隊或球員。白禮頓拒絕透露確診球員嘅身份，只係話該球員依家情況OK，正接受治療。

白禮頓行政總裁巴伯同領隊樸達，周四透過視像記者會宣布有球員確診消息，巴伯表示：「我哋最近有3個球員去做(新冠肺炎)檢查，其中一個結果係陽性，我哋只係對有病徵嘅球員做測試，雖然事件好不幸，但軍醫話個球員情況OK，正進行需要嘅治療。」

除此之外，領隊樸達嘅老婆上星期亦出現感冒病徵，目前同3個仔女自我隔離，樸達表示已要求一眾球員喺屋企進行練習保持狀態，而且白禮頓已經聘請心理醫生，幫助球員舒緩因聯賽停擺長期留屋企嘅心理負擔。