【有片】西甲球星搞搞震　巴查拎個女較飛

足球博彩神器，每日重心提供盡在《彩報》：http://win.on.cc/football/　

西班牙聯賽因疫情停擺，一眾球員留最大考驗，就係點樣留喺屋企都可以保持住狀態，唔少球會都有訓練指引畀球員在家練習，不過亦有球員鍾意自創「花式訓練」，其中貝迪斯守將馬斯巴查更自爆拎個女出嚟較飛！

LaLiga最近收集咗部份球星嘅「在家練習秘方」，皇家馬德里左閘馬些路就喺屋企花園玩「乒乓足球」(Fut Toc)，考腳法兼考反應；西乙特內里費球星阿祖安奧圖拉亦夠晒盞鬼，做Gym舉鐵嗰陣就將隻狗仔代替啞鈴。至於貝迪斯球星馬斯巴查就更進一步，佢喺訪問入面自爆用佢個5歲囡囡Gala當啞鈴做Gym，練習之餘仲可以當埋係親子時間，一舉兩得！