老竇宣布再婚 45歲碧咸多咗個後母!

2020年03月27日 16:00
東網電視
更多新聞短片
數據最真實,刨波不二法門,彩報電子版周二、五更新:https://win.on.cc/epaper/archive.html 
碧咸45歲人至嚟多咗個後母!據英媒報道,近日碧咸個老竇特德喺同前妻桑德拉離婚18年後,宣布同自己個律師女友希拉里訂婚,仲透露目前兩人正一齊家居隔離緊。
71歲嘅特德同女友希拉里,據講係喺2019年一項慈善活動入面相識,女方希拉里係當地有名嘅百萬富翁律師,今次兩人聯合發表聲明公布訂婚消息,呢勻特德真係老漢成功淘古井,威晒。
碧咸老竇特德喺2002年與大衛的母親桑德拉結束32年婚姻,佢仲將婚姻破裂嘅原因,歸咎於碧咸火速成名,佢哋離婚對碧咸等3個兒女打擊好大。問題係,特德將呢頭家搞到支離破碎,居然仲經常借碧咸一家搵着數,相當唔知醜。
喺孫女受洗儀式上,佢以新伴侶希拉里個女都係家庭成員為由,想安排希拉里同個女參加。辣妹維多利亞即刻火都嚟埋,馬上拒非常霸氣咁回絕咗特德嘅要求,理由好簡單:「冇位嘞!」,明顯佢當時就唔認呢個准奶奶,未來婆媳關係肯定唔慌會好!