良心教練！高柏尼揞荷包為球員出糧

數據最真實，刨波不二法門，彩報電子版周二、五更新：https://win.on.cc/epaper/archive.html　

全球球壇受到疫情打擊下，大部份球隊都出現經濟困難，就算頂尖豪門如巴塞隆拿、祖雲達斯都要球員減薪，其他球會就更加苦不堪言。比利時班霸安德列治最近亦向球員呼籲，希望全隊一齊停薪1個月，令球會可以唔需要炒其他職員嚟「填數」。

安德列治目前嘅方案並唔係「硬命令」，目前只係遊說球員接受，而且承諾如果所有人都接受，球會就唔會進行裁員計劃，不過球會信件就用「威嚇式」字句：「接唔接受(停薪)由你決定，但唔接受嘅球員會被視為唔團結。」引起球員反感。

據比利時報章《HLN》報道，作為教練兼球員嘅前曼城球星高柏尼就挺身而出，表示如果有球員出現困難而拒絕減薪，佢就會自己揞荷包代球會出糧畀嗰位球員，化解安德列治呢場內亂，認真唔話得。