細哨獄中比賽敗陣　對手係殺人犯

足球博彩神器，每日重心提供盡在《彩報》：http://win.on.cc/football/　

細哨朗拿甸奴繼續留喺巴拉圭監獄，未出得嚟，日前報道佢喺獄中開班授徒，教獄友踢波，又玩網式足球消磨時間，但球王都有輸波時，當地傳媒報道，細哨喺一場網式足球比賽敗陣，擊敗佢嘅對手來歷驚人，係一對重犯組合，其中一位仲殺過人。

其實以細哨球技，同一班獄友距離甚遠，可以想像佢喺度玩波純粹係解悶同做吓運動，應該完全冇壓力至係，不過其中一場比賽就令佢有「比賽壓力」，結果喺一輪交鋒後細哨「敗北」，令人驚訝。

巴拉圭傳媒將擊敗細哨嘅組合起底，發現驚人內幕，原來同細哨鬥波係一對重犯組合，主力成員係36歲嘅拉米雷斯，因殺人罪入獄，至於佢拍檔33歲嘅馬丁內斯，就係一名搶劫犯人。呢個組合咁勁揪，細哨點贏佢哋？