UEFA解封賽季死線　助利物浦圓冠軍夢

足球博彩神器，每日重心提供盡在《彩報》：http://win.on.cc/football/　

歐洲足協與55個會員總會周三(1日)透過視像會議討論球季安排，會後決定解封早前設下嘅6月30日賽季死線，讓各國按不同情況延長賽季，甚至可以比賽至9月，此舉將令各地聯賽有充裕時間完成賽季，其中利物浦將大有機會一圓30年嘅英超冠軍夢。

新冠肺炎疫情下，歐洲足協官方宣布，歐國盃附加賽，今季歐聯、歐霸等全部延期，至於歐洲各地聯賽賽季，亦按各自情況延長，不再堅持必須在6月30日完成賽季。

英國《太陽報》報道，歐聯及歐霸賽事可能押後至今年下半年重開，賽會希望兩項賽事於秋天完成，至於歐洲5大聯賽英超、西甲、德甲、意甲及法甲亦有更充裕時間調動賽期，盡可能完成今季餘下賽事。

在新決議之下，利物浦一直擔心因未能完成賽季而錯失錦標嘅憂慮亦告消除，紅軍上下現時只須靜待聯賽重開，完成餘下賽程，便可捧走期待30年嘅英超錦標。