悶到頂唔住！C朗帶埋阿仔返母會踢波

數據最真實，刨波不二法門，彩報電子版周二、五更新：https://win.on.cc/epaper/archive.html　

在家隔離成個月，C朗真係頂唔順，終於要走出屋企去到母會馬迪亞拿球場，踩一踩草地兼且練兩腳。

喺祖雲達斯有球員確診前，C朗早已飛返葡萄牙，一方面照顧患病媽媽，另一方面都喺屋企自我隔離兼抗疫，不過，喺屋企成個月真係悶到癲，佢帶埋大仔返到家鄉嘅母會馬迪亞拿球場鬆一鬆，佢同阿仔各自郁吓，扭吓波、射入波，見佢笑容滿面。球場都唔少球員，佢哋都無戴口罩。

講吓馬迪亞拿上季喺葡超已經降級，目前喺甲組聯賽，而葡甲因為新冠肺炎嘅疫情都停擺。至於意大利嘅疫情目前明顯好轉，祖雲達斯亦通知球員下周一返到意大利，當中包括C朗；不過，祖記未有決定幾時復操，意甲幾時重啟都未知。