車仔名宿唔贊成簽古天奴　叫林伯要諗清楚

足球博彩神器，每日重心提供盡在《彩報》：http://win.on.cc/football/　

今季被外借到拜仁嘅巴西球星菲臘比古天奴想返英超差唔多全宇宙都知，車路士更加一早已經出手同呢位前利物浦球員斟斟，但係前車仔名將拿保夫就提醒主帥林柏特要諗清楚，更話明古天奴唔值咁多錢。

有消息指車路士已經同巴塞傾緊，但拿保夫最近喺一個傳媒訪問就話：「坦白講，林柏，唔好制！（（簽約）」佢補充話古天奴的確係一位唔錯嘅球員，但當大家睇落去尼馬、C朗、美斯或者基利安麥巴比喺頂級球員，古天奴就唔係呢個價錢．．．．如果話車仔準備畀8000萬鎊，我覺得太多。」

巴西球星菲臘比古天奴2年前以1.05億英鎊轉會費，由利物浦轉投西甲班霸巴塞隆拿，不過佢轉會後發展直線插水，今季借外拜仁慕尼黑嘅表現亦只屬不過不失。