尼馬準繼父背景複雜　有2個前男友

巴西王牌尼馬52歲阿媽日前公開新戀情，宣布同22歲俊男泰亞高拉莫斯Tiago Ramos拍拖，事件震動巴西球壇，傳媒特別為呢位尼馬準繼父身份進行調查，發現佢背景唔簡單，竟然有至少2個前男友，更有人懷疑佢同尼馬阿媽拍拖，真正目標係尼馬，真係大驚嚇。

傳媒搵到泰亞高拉莫斯其中一名前男友爆料，證實佢係一位雙性戀者，之前曾經與馬尼好友演員Carlinhos Maia及富豪Eduardo Pereira一齊，過往情史相當複雜，仲大爆佢2017年開始想盡方法接近尼馬朋友圈，最終搭上尼馬阿媽。

巴西《環球網》報道，泰亞高拉莫斯透過結交尼馬厨師莫羅，而與尼馬阿媽結識，在2人確立關係前，泰亞高拉莫斯經常去巴黎睇尼馬比賽，又去尼馬生日派對，而且佢曾於3年前私信尼馬：「總有一天我們會一起，我相信我們一定會相遇，我是一個愛夢想的人，達到目標前決不放棄。」

數據最真實，刨波不二法門，彩報電子版周二、五更新：https://win.on.cc/epaper/archive.html