白禮達：2022世界盃畀美國搞啦

國際足壇因新冠肺炎搞到大亂，國際足協前主席白禮達慌死唔夠亂，喺呢個時候仲要火上加油，佢話反正2022年卡塔爾世界盃有賄選嫌疑，隨時被取消資格，不過索性畀2026世盃主辦國美國補上，喺2022年舉辦啦。

白禮達於2015年因貪腐問題卸任，更被罰不能參與足球事務6年，但佢最近又蒲番出嚟，就卡塔爾世界盃作出評論。事實上2022卡塔爾世界盃主辦權正喺佢任內投票選出，依家佢又有新見解。

「美國可以搞呀，唔使等到2026年，日本都有機會，因為呢屆世界盃並未擴軍，只有32隊參賽，所以比較容易安排，至於德國就要再等等，俄羅斯舉辦完2018世界盃，歐洲並非第一選擇。」

足球博彩神器，每日重心提供盡在《彩報》：http://win.on.cc/football/