國家機密流出！英超10月畀球迷入場

韓職周五開火，最強資料庫、第一手資訊盡在《彩報》：

http://win.on.cc/football/　

英超就算可望於6月重開，但仍然需要閉門比賽一段日子，甚至有傳今年內都禁止球迷入場。不過，英國《鏡報》爆料，指英超最快10月可以重新容許球迷入場睇波，因為呢個係英國首相約翰遜「重啟國家計劃」所安排嘅日子。

據悉，約翰遜已經制定一份長達50頁嘅計劃書，逐步令英國各項活動回復正常，計劃之中第5點就係有關容許球迷入場睇波，如果一切順利，10月就可以實行。不過，呢個計劃屬於臨時性質，球迷喺10月能否入場，仲要根據當時疫情而定。

英超實行閉門比賽，球會將失去巨額門票收入，甚至需要退回今季季票剩餘款項畀球迷，令球會財政備受壓力，所以唔止球迷渴望入場睇波，球會都希望盡量縮短閉門比賽期限。