【多圖】叻仔喎！孫興民軍訓攞獎

韓職周五開火，最強資料庫、第一手資訊盡在《彩報》：

http://win.on.cc/football/　

孫興民尋日終於完成基礎軍訓，仲同濟州島第9海軍陸戰旅訓練中心達成協議公開佢部分受訓照片，雖然佢實質訓練成績冇被公開，但係消息話呢位熱刺球星成績優異獲獎！

據知，「民仔」响3星期基礎軍訓，無論制式訓練、智力評估、刺刀同射擊方面都取得優異成績，喺157名受訓士兵入面躋身前5名，有啲報道甚至話係第一名，獲得「必勝賞」。海軍陸戰隊喺孫興民離營嗰陣，通過官方SNS宣布：「我哋收到唔少民間同媒體嘅要求，佢哋對此興趣濃厚，所以同孫興民進行討論協商後，決定發布一啲培訓過程嘅照片。」

雖然完成咗3星期基礎軍訓，孫興民仲處於履行義務兵役狀態，必須喺34個月內，參加544小時義工活動。佢離營後冇接受單獨採訪，正準備飛返英國倫敦，為球季重開做準備。