投票定生死！英甲英乙或下周腰斬

韓職開戰，多媒體分析焦點賽事，即上《彩報》：

https://win.on.cc/football/video.html　

除咗有超過50位英超球員反對復賽之外，英甲及英乙亦出現「反戰潮」，英國多個傳媒指，大部份英甲及英乙球會唔想重開賽事，以免球員感染新冠肺炎，呢兩級聯賽球會準備舉行投票決定今季命運，可能下周宣布腰斬賽事。

英格蘭足球聯盟(EFL)執行委員會一直有同英甲及英乙球會進行溝通，大多數球會認為今季賽事已經無法完成，希望專注準備下季工作，只有3隊願意踢埋今季賽事。

EFL主席柏利將會同各球會代表舉行視象會議，並舉行投票，決定是否取消今季餘下賽事，如果英甲及英乙真係腰斬，各隊仲要討論升降班安排，有傳最大機會係根據目前成績定出最終排名。